Google ADS

Podujevë, gjuajte me armë zjarri, plagoset një person

16:38 | 23 Korrik 2021
Arditë Shkodra

Mesditën e sotme është plagosur një person si pasojë e të shtënave me armë zjarri në fshatin Penuh të Podujevës.

Lajmin për arbresh.info e ka konfirmuar zëdhënësi i policisë për rajonin e Prishtinës, Agron Borovci.

Ai tha se viktima është dërguar për tretman mjekësor.

‘Sot rreth orës 16:00, policia ka marrë informacionin për një plagosje me arme zjarri në fshatin Penuh të Podujevës. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore. Bazuar në të dhënat fillestare dyshohet për një person të plagosur, dhe i njëjti është dërguar për tretman mjekësor”, ka deklaruar Borovci.

Borovci ka thënë se hetuesit policorë janë duke kryer hetime për ta identifikuar të dyshuarin.

“Aktualisht hetuesit policor kanë nisur një hetim për identifikimin e personit të dyshuar si dhe sqarimin e të gjitha rrethanave që lidhen me rastin”, ka deklaruar ai./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm